Frosti Noel Kristjánsson

 

Það var stund undurs og stórmerkja í dag þegar  Séra Jón Hjörleifur Jónsson helgaði fyrsta afastrákinn minn og foreldrarnir gáfu honum nafnið Frosti Noel.

I ræðu prestsins ,sem er reyndar sá sami og helgaði pabbann árið 1984, kom hann inná það hversu stórkostleg smíð mannveran er í alla staði og nefndi sem dæmi skynfærin öll ,ónæmiskerfið ,eiginleikann til að komast af og hæfileikann til að aðlagast þessari veröld.  Hann bauð velkominn þennan nýja innflytjanda og benti á að barnið væri nýstigið yfir landamæri, frá kviði móður sinnar þar sem það hafi notið öryggis og skjóls, til þessarar mannlegu tilvistar sem bíður þess nú á Íslandi.

Presturinn minnti einnig gesti samkundunnar á að á meðan menn hafi leitast við að nota dýrmæta gimsteina, perlur og annann veraldlegan auð til viðmiðunar á því sem okkur þykir dýrmætt hefði Kristur notað hreinleika barnsins til viðmiðunar á því hvað væri eftirsóknarvert og hefði einhvert raunvirði og  í raun skilyrði fyrir inngöngu manns í Guðs ríki, nefnilega það að verða eins og barn því slíkra væri Guðsríkið.

Ég gat ekki annað en dáðst að þessum aldraða eftirlauna presti sem ég þekki og man eftir frá blautu barnsbeini.  Fagmennskan og að minnsta kosti 50 ára reynsla hans af preststörfum gerðu þessum manni svo auðvelt að gera þessa stund svo hjartnæma að það var eins og húsið í Garðabæ væri kirkja eða heilagt musteri.  Undir söng spilaði svo Sólveig frúin hans á ferðaorgel.  Á eftir nutu allir veitinga, og myndatökur hófust af ömmum og öfum, langömmum og langöfum á víxl.

Hann Frosti Noel er ríkur af aðstandendum og umvafinn öllu því sem svona nýkominn innflytjandi frá heimum guðlegra kemur til með að þarfnast á næstunni, svo mikið er víst.

 

 

 

 

 

 

Athugasemdir

[Ragnhildur Kolka, 8.2.2009 kl. 11:08]

Það er ánægjulegt að vita til þess að lífið heldur áfram, þótt ekki megi merkja það í fréttaflutningi.

Innilega til hamingju með afastrákinn.

[Axel Jón Fjeldsted (IP-tala skráð) 8.2.2009 kl. 15:51]

Til hamingju með litla afabarnið Maggi.

[Magnús Kristjánsson, 8.2.2009 kl. 21:54]

Þakka fyrir hamingjuóskirnar, nú er bara að standa sig í hlutverkinu.

[Baldvin Jónsson, 9.2.2009 kl. 01:13]

"Maggi afi" hefur nú tekið við af "Maggi rúta" - Til lukku með flott nafn á flottum gaur

[Magnús Kristjánsson, 9.2.2009 kl. 21:38]

já Baddi finnst þér Maggi afi flott nafn?

[Baldvin Jónsson, 10.2.2009 kl. 01:15]

Já Maggi afi, líka það. En Frosti Noel enn flottara :)

Hvaða skrópusýki greip þig annars í kvöld?

[Magnús Kristjánsson, 10.2.2009 kl. 21:07]

Gleymdi mér í dagdraumum um sjómannarómantík gjöful mið harmónikku og allt það, leið eins og það væri Sunnudagur.